فريد الأطرش
كلمات: مأمون الشناوى
ألحان: فريد الأطرش
غناء: فريد الأطرش
السنة: 1949
أدي الربيع عاد من تاني والبدر هلت أنواره
وفين حبيبي اللي رماني من جنة الحب لناره
أيام رضاه يا زماني هاتها وخد عمري
اللي رعيته رماني وفاتني وشغل فكري
كان النسيم غنوة والنيل يغنيها
وميته الحلوة تفضل تعيد فيها
وموجه الهادي كان عوده ولون البدر أوتاره
يناغي الورد وخدوده يناجي الليل وأسراره
وأنغامه بتسكرنا أنا وهو
أنا وهو مافيش غيرنا .. مافيش غيرنا
أدي الربيع عاد من تاني والبدر هلت أنواره
وفين حبيبي اللي رماني من جنة الحب لناره
لمين بتضحك يا صيف لياليك وأيامك
كان لي في عهدك حبيب آليف عهدني أدامك
وكان لي في قلبه طيف يخطر في أوهامك
من يوم ما فاتني وراح
شدو البلابل نواح
والورد لون الجراح
يا ليلي يــا يـــا يــا يــا عين
مر الخريف بعده بدل زهور الغرام
والدنيا من بعده هوان ويأس وآلام
لا القلب بينسى هواه ولا حبيبي بيرحمني
وكل ما قول آه يزيد في ظلمه ويألمني
وأدي الشتا يا طول لياليه
على اللي فاته حبيبي يناجي طيفه ويناديه
ويشكي للكون تعذيبه
يا ليل يا بدر يا نسمة يا طير يا أغصان
هاتوا لي من الحبيب كلمة تواسي العاشق الحيران
أخد ورد الهوا مني وفات لي شوكه يألمني
ماعرفش أيه ذنبي غير أني في حبي أخلصت من قلبي
وغاب عني لا كلمني ولا قال لي أمتى راح أشوفوه
وأقول يمكن هيرحمني ويبعت في الربيع طيفه
آدي الربيع عاد من تاني والبدر هلت أنواره
وفين حبيبي اللي رماني من جنة الحب لناره
هذا العمل نقدمه مجانا وأذا كنت تقدره فنرجو التفضل بالنقر علي الإعلان التالي لمساعدة المدونة علي تقديم الأعمال الجيدة وشكرا:
